Karmandir 
This stotram is traditionally credited to Maharshi Ved Vyas. Its first nine verses bow to one graha each, from Surya to Ketu, and each verse describes that graha's form. The last three verses are the phalashruti, which state the traditional belief about reciting it; read them as words of faith. Many families say it in their morning puja or at the start of a big puja.
Navagraha Stotram
जपाकुसुमसंकाशं काश्यपेयं महाद्युतिम् ।
तमोऽरिं सर्वपापघ्नं प्रणतोऽस्मि दिवाकरम् ॥ १ ॥
दधिशङ्खतुषाराभं क्षीरोदार्णवसंभवम् ।
नमामि शशिनं सोमं शम्भोर्मुकुटभूषणम् ॥ २ ॥
धरणीगर्भसंभूतं विद्युत्कान्तिसमप्रभम् ।
कुमारं शक्तिहस्तं तं मङ्गलं प्रणमाम्यहम् ॥ ३ ॥
प्रियङ्गुकलिकाश्यामं रूपेणाप्रतिमं बुधम् ।
सौम्यं सौम्यगुणोपेतं तं बुधं प्रणमाम्यहम् ॥ ४ ॥
देवानां च ऋषीणां च गुरुं काञ्चनसंनिभम् ।
बुद्धिभूतं त्रिलोकेशं तं नमामि बृहस्पतिम् ॥ ५ ॥
हिमकुन्दमृणालाभं दैत्यानां परमं गुरुम् ।
सर्वशास्त्रप्रवक्तारं भार्गवं प्रणमाम्यहम् ॥ ६ ॥
नीलांजनसमाभासं रविपुत्रं यमाग्रजम् ।
छायामार्तण्डसंभूतं तं नमामि शनैश्चरम् ॥ ७ ॥
अर्धकायं महावीर्यं चन्द्रादित्यविमर्दनम् ।
सिंहिकागर्भसंभूतं तं राहुं प्रणमाम्यहम् ॥ ८ ॥
पलाशपुष्पसंकाशं तारकाग्रहमस्तकम् ।
रौद्रं रौद्रात्मकं घोरं तं केतुं प्रणमाम्यहम् ॥ ९ ॥
इति व्यासमुखोद्गीतं यः पठेत्सुसमाहितः ।
दिवा वा यदि वा रात्रौ विघ्नशान्तिर्भविष्यति ॥ १० ॥
नरनारीनृपाणां च भवेद्दुःस्वप्ननाशनम् ।
ऐश्वर्यमतुलं तेषामारोग्यं पुष्टिवर्धनम् ॥
ग्रहनक्षत्रजाः पीडास्तस्कराग्निसमुद्भवाः ।
ताः सर्वाः प्रशमं यान्ति व्यासो ब्रूते न संशयः ॥
॥ इति श्रीव्यासविरचितं नवग्रहस्तोत्रं सम्पूर्णम् ॥
In Roman script
Japakusuma Sankasham Kashyapeyam Mahadyutim.
Tamorim Sarvapapaghnam Pranatosmi Divakaram.1.
Dadhishankha Tusharabham Kshirodarnava Sambhavam.
Namami Shashinam Somam Shambhor Mukuta Bhushanam.2.
Dharani Garbha Sambhutam Vidyut Kanti Samaprabham.
Kumaram Shakti Hastam Tam Mangalam Pranamamyaham.3.
Priyangu Kalika Shyamam Rupenapratimam Budham.
Saumyam Saumya Gunopetam Tam Budham Pranamamyaham.4.
Devanam Cha Rishinam Cha Gurum Kanchana Sannibham.
Buddhibhutam Trilokesham Tam Namami Brihaspatim.5.
Himakunda Mrinalabham Daityanam Paramam Gurum.
Sarva Shastra Pravaktaram Bhargavam Pranamamyaham.6.
Nilanjana Samabhasam Raviputram Yamagrajam.
Chhaya Martanda Sambhutam Tam Namami Shanaishcharam.7.
Ardhakayam Mahaviryam Chandraditya Vimardanam.
Simhika Garbha Sambhutam Tam Rahum Pranamamyaham.8.
Palasha Pushpa Sankasham Taraka Graha Mastakam.
Raudram Raudratmakam Ghoram Tam Ketum Pranamamyaham.9.
Iti Vyasa Mukhodgitam Yah Pathet Susamahitah.
Diva Va Yadi Va Ratrau Vighna Shantir Bhavishyati.10.
Nara Nari Nripanam Cha Bhaved Duhswapna Nashanam.
Aishwaryam Atulam Tesham Arogyam Pushti Vardhanam.
Graha Nakshatrajah Pidas Taskaragni Samudbhavah.
Tah Sarvah Prashamam Yanti Vyaso Brute Na Samshayah.
Iti Shri Vyasa Virachitam Navagraha Stotram Sampurnam.
Source: Traditional, attributed to Ved Vyas