Karmandir 
श्री कृष्ण चालीसा में कान्हा के सुंदर रूप और उनकी लीलाओं का गुणगान है, गोवर्धन उठाने से लेकर गीता के ज्ञान तक। लोग इसे जन्माष्टमी, एकादशी और रोज़ की पूजा में प्रेम से पढ़ते हैं।
श्री कृष्ण चालीसा
॥ दोहा ॥
बंशी शोभित कर मधुर, नील जलद तन श्याम।
अरुण अधर जनु बिम्बफल, नयन कमल अभिराम॥
पूर्ण इन्द्र, अरविन्द मुख, पीताम्बर शुभ साज।
जय मनमोहन मदन छवि, कृष्णचन्द्र महाराज॥
॥ चौपाई ॥
जय यदुनन्दन जय जगवन्दन। जय वसुदेव देवकी नन्दन॥
जय यशुदा सुत नन्द दुलारे। जय प्रभु भक्तन के दृग तारे॥
जय नट-नागर नाग नथैया। कृष्ण कन्हैया धेनु चरैया॥
पुनि नख पर प्रभु गिरिवर धारो। आओ दीनन कष्ट निवारो॥
वंशी मधुर अधर धरि टेरौ। होवे पूर्ण विनय यह मेरौ॥
आओ हरि पुनि माखन चाखो। आज लाज भारत की राखो॥
गोल कपोल चिबुक अरुणारे। मृदु मुस्कान मोहिनी डारे॥
रंजित राजिव नयन विशाला। मोर मुकुट वैजन्ती माला॥
कुण्डल श्रवण पीत पट आछे। कटि किंकिणी काछनी काछे॥
नील जलज सुन्दर तनु सोहे। छवि लखि सुर नर मुनिमन मोहे॥
मस्तक तिलक अलक घुंघराले। आओ कृष्ण बांसुरी वाले॥
करि पय पान पूतनहि तार्यो। अका बका कागासुर मार्यो॥
मधुवन जलत अगिन जब ज्वाला। भै शीतल लखितहिं नन्दलाला॥
सुरपति जब ब्रज चढ़्यो रिसाई। मूसर धार वारि वर्षाई॥
लगत लगत ब्रज चहन बहायो। गोवर्धन नख धारि बचायो॥
लखि यसुदा मन भ्रम अधिकाई। मुख महं चौदह भुवन दिखाई॥
दुष्ट कंस अति उधम मचायो। कोटि कमल जब फूल मंगायो॥
नाथि कालियहिं तब तुम लीन्हें। चरण चिह्न दै निर्भय कीन्हें॥
करि गोपिन संग रास विलासा। सबकी पूरण करी अभिलाषा॥
केतिक महा असुर संहार्यो। कंसहि केस पकड़ि दै मार्यो॥
मात-पिता की बन्दि छुड़ाई। उग्रसेन कहँ राज दिलाई॥
महि से मृतक छहों सुत लायो। मातु देवकी शोक मिटायो॥
भौमासुर मुर दैत्य संहारी। लाये षट दश सहस कुमारी॥
दै भीमहिं तृण चीर सहारा। जरासिंधु राक्षस कहँ मारा॥
असुर बकासुर आदिक मार्यो। भक्तन के तब कष्ट निवार्यो॥
दीन सुदामा के दुःख टार्यो। तंदुल तीन मूंठ मुख डार्यो॥
प्रेम के साग विदुर घर माँगे। दुर्योधन के मेवा त्यागे॥
लखी प्रेम की महिमा भारी। ऐसे श्याम दीन हितकारी॥
भारत के पारथ रथ हांके। लिये चक्र कर नहिं बल थाके॥
निज गीता के ज्ञान सुनाए। भक्तन हृदय सुधा वर्षाए॥
मीरा थी ऐसी मतवाली। विष पी गई बजाकर ताली॥
राना भेजा साँप पिटारी। शालिग्राम बने बनवारी॥
निज माया तुम विधिहिं दिखायो। उर ते संशय सकल मिटायो॥
तब शत निन्दा करि तत्काला। जीवन मुक्त भयो शिशुपाला॥
जबहिं द्रौपदी टेर लगाई। दीनानाथ लाज अब जाई॥
तुरतहि वसन बने नन्दलाला। बढ़े चीर भै अरि मुँह काला॥
अस अनाथ के नाथ कन्हैया। डूबत भंवर बचावत नैया॥
सुन्दरदास आस उर धारी। दया दृष्टि कीजै बनवारी॥
नाथ सकल मम कुमति निवारो। क्षमहु बेगि अपराध हमारो॥
खोलो पट अब दर्शन दीजै। बोलो कृष्ण कन्हैया की जै॥
॥ दोहा ॥
यह चालीसा कृष्ण का, पाठ करै उर धारि।
अष्ट सिद्धि नवनिधि फल, लहै पदारथ चारि॥
रोमन में
|| Doha ||
Banshi Shobhit Kar Madhur, Neel Jalad Tan Shyam |
Arun Adhar Janu Bimbaphal, Nayan Kamal Abhiram ||
Poorn Indra, Aravind Mukh, Pitambar Shubh Saaj |
Jai Manamohan Madan Chhavi, Krishnachandra Maharaj ||
|| Chaupai ||
Jai Yadunandan Jai Jagavandan | Jai Vasudev Devaki Nandan ||
Jai Yashuda Sut Nand Dulare | Jai Prabhu Bhaktan Ke Drig Tare ||
Jai Nat-Nagar Naag Nathaiya | Krishna Kanhaiya Dhenu Charaiya ||
Puni Nakh Par Prabhu Girivar Dharo | Aao Deenan Kasht Nivaro ||
Vanshi Madhur Adhar Dhari Terau | Hove Poorn Vinay Yah Merau ||
Aao Hari Puni Makhan Chakho | Aaj Laaj Bharat Ki Rakho ||
Gol Kapol Chibuk Arunare | Mridu Muskan Mohini Dare ||
Ranjit Rajiv Nayan Vishala | Mor Mukut Vaijanti Mala ||
Kundal Shravan Peet Pat Aachhe | Kati Kinkini Kachhani Kachhe ||
Neel Jalaj Sundar Tanu Sohe | Chhavi Lakhi Sur Nar Muniman Mohe ||
Mastak Tilak Alak Ghunghrale | Aao Krishna Bansuri Vale ||
Kari Pay Paan Pootanahi Taryo | Aka Baka Kagasur Maryo ||
Madhuvan Jalat Agin Jab Jvala | Bhai Sheetal Lakhitahin Nandalala ||
Surapati Jab Braj Chadhyo Risai | Moosar Dhaar Vaari Varshai ||
Lagat Lagat Braj Chahan Bahayo | Govardhan Nakh Dhari Bachayo ||
Lakhi Yasuda Man Bhram Adhikai | Mukh Manh Chaudah Bhuvan Dikhai ||
Dusht Kans Ati Udham Machayo | Koti Kamal Jab Phool Mangayo ||
Nathi Kaliyahin Tab Tum Leenhen | Charan Chihn Dai Nirbhay Keenhen ||
Kari Gopin Sang Raas Vilasa | Sabaki Pooran Kari Abhilasha ||
Ketik Maha Asur Sanharyo | Kansahi Kes Pakadi Dai Maryo ||
Maat-Pita Ki Bandi Chhudai | Ugrasen Kahan Raaj Dilai ||
Mahi Se Mritak Chhahon Sut Layo | Matu Devaki Shok Mitayo ||
Bhaumasur Mur Daitya Sanhari | Laye Shat Dash Sahas Kumari ||
Dai Bheemahin Trin Cheer Sahara | Jarasindhu Rakshas Kahan Mara ||
Asur Bakasur Aadik Maryo | Bhaktan Ke Tab Kasht Nivaryo ||
Deen Sudama Ke Duhkh Taryo | Tandul Teen Moonth Mukh Daryo ||
Prem Ke Saag Vidur Ghar Mange | Duryodhan Ke Meva Tyage ||
Lakhi Prem Ki Mahima Bhari | Aise Shyam Deen Hitakari ||
Bharat Ke Parath Rath Hanke | Liye Chakra Kar Nahin Bal Thake ||
Nij Geeta Ke Gyan Sunaye | Bhaktan Hriday Sudha Varshaye ||
Meera Thi Aisi Matavali | Vish Pi Gayi Bajakar Taali ||
Rana Bheja Saanp Pitari | Shaligram Bane Banavari ||
Nij Maya Tum Vidhihin Dikhayo | Ur Te Sanshay Sakal Mitayo ||
Tab Shat Ninda Kari Tatkala | Jeevan Mukt Bhayo Shishupala ||
Jabahin Draupadi Ter Lagai | Deenanath Laaj Ab Jaai ||
Turatahi Vasan Bane Nandalala | Badhe Cheer Bhai Ari Munh Kala ||
As Anath Ke Nath Kanhaiya | Doobat Bhanvar Bachavat Naiya ||
Sundaradas Aas Ur Dhari | Daya Drishti Keejai Banavari ||
Nath Sakal Mam Kumati Nivaro | Kshamahu Begi Apradh Hamaro ||
Kholo Pat Ab Darshan Deejai | Bolo Krishna Kanhaiya Ki Jai ||
|| Doha ||
Yah Chalisa Krishna Ka, Paath Karai Ur Dhari |
Asht Siddhi Navanidhi Phal, Lahai Padarath Chari ||
स्रोत: Traditional; by the poet Sundardas (named in the text)