Karmandir 
The Shri Shani Chalisa sings of Shani dev's form, his names and the old stories linked with him. People traditionally recite it with devotion on Saturdays, often after offering water at a peepal tree and lighting a lamp.
Shri Shani Chalisa
॥ दोहा ॥
जय गणेश गिरिजा सुवन, मंगल करण कृपाल।
दीनन के दुख दूर करि, कीजै नाथ निहाल॥
जय जय श्री शनिदेव प्रभु, सुनहु विनय महाराज।
करहु कृपा हे रवि तनय, राखहु जन की लाज॥
॥ चौपाई ॥
जयति जयति शनिदेव दयाला। करत सदा भक्तन प्रतिपाला॥
चारि भुजा, तनु श्याम विराजै। माथे रतन मुकुट छबि छाजै॥
परम विशाल मनोहर भाला। टेढ़ी दृष्टि भृकुटि विकराला॥
कुण्डल श्रवण चमाचम चमके। हिये माल मुक्तन मणि दमके॥
कर में गदा त्रिशूल कुठारा। पल बिच करैं अरिहिं संहारा॥
पिंगल, कृष्णो, छाया नन्दन। यम, कोणस्थ, रौद्र, दुखभंजन॥
सौरी, मन्द, शनी, दश नामा। भानु पुत्र पूजहिं सब कामा॥
जा पर प्रभु प्रसन्न ह्वैं जाहीं। रंकहुँ राव करैं क्षण माहीं॥
पर्वतहू तृण होई निहारत। तृणहू को पर्वत करि डारत॥
राज मिलत बन रामहिं दीन्हयो। कैकेइहुँ की मति हरि लीन्हयो॥
बनहूँ में मृग कपट दिखाई। मातु जानकी गई चुराई॥
लखनहिं शक्ति विकल करिडारा। मचिगा दल में हाहाकारा॥
रावण की गति-मति बौराई। रामचन्द्र सों बैर बढ़ाई॥
दियो कीट करि कंचन लंका। बजि बजरंग बीर की डंका॥
नृप विक्रम पर तुहि पगु धारा। चित्र मयूर निगलि गै हारा॥
हार नौलखा लाग्यो चोरी। हाथ पैर डरवायो तोरी॥
भारी दशा निकृष्ट दिखायो। तेलिहिं घर कोल्हू चलवायो॥
विनय राग दीपक महं कीन्हयों। तब प्रसन्न प्रभु ह्वै सुख दीन्हयों॥
हरिश्चन्द्र नृप नारि बिकानी। आपहुं भरे डोम घर पानी॥
तैसे नल पर दशा सिरानी। भूंजी-मीन कूद गई पानी॥
श्री शंकरहिं गह्यो जब जाई। पारवती को सती कराई॥
तनिक विलोकत ही करि रीसा। नभ उड़ि गयो गौरिसुत सीसा॥
पाण्डव पर भै दशा तुम्हारी। बची द्रौपदी होति उघारी॥
कौरव के भी गति मति मारयो। युद्ध महाभारत करि डारयो॥
रवि कहँ मुख महँ धरि तत्काला। लेकर कूदि परयो पाताला॥
शेष देव लखि विनती लाई। रवि को मुख ते दियो छुड़ाई॥
वाहन प्रभु के सात सुजाना। जग दिग्गज गर्दभ मृग स्वाना॥
जम्बुक सिंह आदि नख धारी। सो फल ज्योतिष कहत पुकारी॥
गज वाहन लक्ष्मी गृह आवैं। हय ते सुख सम्पत्ति उपजावैं॥
गर्दभ हानि करै बहु काजा। सिंह सिद्धकर राज समाजा॥
जम्बुक बुद्धि नष्ट कर डारै। मृग दे कष्ट प्राण संहारै॥
जब आवहिं प्रभु स्वान सवारी। चोरी आदि होय डर भारी॥
तैसहि चारि चरण यह नामा। स्वर्ण लौह चाँदी अरु तामा॥
लौह चरण पर जब प्रभु आवैं। धन जन सम्पत्ति नष्ट करावैं॥
समता ताम्र रजत शुभकारी। स्वर्ण सर्व सुख मंगल भारी॥
जो यह शनि चरित्र नित गावै। कबहुं न दशा निकृष्ट सतावै॥
अद्भुत नाथ दिखावैं लीला। करैं शत्रु के नशि बलि ढीला॥
जो पण्डित सुयोग्य बुलवाई। विधिवत शनि ग्रह शांति कराई॥
पीपल जल शनि दिवस चढ़ावत। दीप दान दै बहु सुख पावत॥
कहत राम सुन्दर प्रभु दासा। शनि सुमिरत सुख होत प्रकाशा॥
॥ दोहा ॥
पाठ शनिश्चर देव को, की हों 'भक्त' तैयार।
करत पाठ चालीस दिन, हो भवसागर पार॥
In Roman script
|| Doha ||
Jai Ganesh Girija Suvan, Mangal Karan Kripal |
Deenan Ke Dukh Door Kari, Keejai Nath Nihal ||
Jai Jai Shri Shanidev Prabhu, Sunahu Vinay Maharaj |
Karahu Kripa He Ravi Tanay, Rakhahu Jan Ki Laaj ||
|| Chaupai ||
Jayati Jayati Shanidev Dayala | Karat Sada Bhaktan Pratipala ||
Chari Bhuja, Tanu Shyam Virajai | Mathe Ratan Mukut Chhabi Chhajai ||
Param Vishal Manohar Bhala | Tedhi Drishti Bhrikuti Vikrala ||
Kundal Shravan Chamacham Chamke | Hiye Maal Muktan Mani Damke ||
Kar Mein Gada Trishul Kuthara | Pal Bich Karain Arihin Sanhara ||
Pingal, Krishno, Chhaya Nandan | Yam, Konasth, Raudra, Dukhbhanjan ||
Sauri, Mand, Shani, Dash Nama | Bhanu Putra Poojahin Sab Kama ||
Ja Par Prabhu Prasann Hvain Jaahin | Rankahun Raav Karain Kshan Maahin ||
Parvatahu Trin Hoi Niharat | Trinahu Ko Parvat Kari Daarat ||
Raj Milat Ban Ramahin Deenhyo | Kaikeihun Ki Mati Hari Leenhyo ||
Banahun Mein Mrig Kapat Dikhai | Matu Janaki Gai Churai ||
Lakhanahin Shakti Vikal Karidara | Machiga Dal Mein Hahakara ||
Ravan Ki Gati-Mati Baurai | Ramchandra Son Bair Badhai ||
Diyo Keet Kari Kanchan Lanka | Baji Bajrang Beer Ki Danka ||
Nrip Vikram Par Tuhi Pagu Dhara | Chitra Mayur Nigali Gai Hara ||
Haar Naulakha Lagyo Chori | Haath Pair Darvayo Tori ||
Bhari Dasha Nikrisht Dikhayo | Telihin Ghar Kolhu Chalvayo ||
Vinay Raag Deepak Mahan Keenhyon | Tab Prasann Prabhu Hvai Sukh Deenhyon ||
Harishchandra Nrip Naari Bikani | Aapahun Bhare Dom Ghar Paani ||
Taise Nal Par Dasha Sirani | Bhoonji-Meen Kood Gai Paani ||
Shri Shankarahin Gahyo Jab Jai | Parvati Ko Sati Karai ||
Tanik Vilokat Hi Kari Reesa | Nabh Udi Gayo Gaurisut Seesa ||
Pandav Par Bhai Dasha Tumhari | Bachi Draupadi Hoti Ughari ||
Kaurav Ke Bhi Gati Mati Maryo | Yuddh Mahabharat Kari Daryo ||
Ravi Kahan Mukh Mahan Dhari Tatkala | Lekar Koodi Paryo Patala ||
Shesh Dev Lakhi Vinti Lai | Ravi Ko Mukh Te Diyo Chhudai ||
Vahan Prabhu Ke Saat Sujana | Jag Diggaj Gardabh Mrig Svana ||
Jambuk Singh Aadi Nakh Dhari | So Phal Jyotish Kahat Pukari ||
Gaj Vahan Lakshmi Grih Aavain | Hay Te Sukh Sampatti Upjavain ||
Gardabh Haani Karai Bahu Kaja | Singh Siddhkar Raj Samaja ||
Jambuk Buddhi Nasht Kar Daarai | Mrig De Kasht Pran Sanharai ||
Jab Aavahin Prabhu Svan Savari | Chori Aadi Hoy Dar Bhari ||
Taisahi Chari Charan Yah Nama | Svarn Lauh Chandi Aru Tama ||
Lauh Charan Par Jab Prabhu Aavain | Dhan Jan Sampatti Nasht Karavain ||
Samta Tamra Rajat Shubhkari | Svarn Sarv Sukh Mangal Bhari ||
Jo Yah Shani Charitra Nit Gavai | Kabahun Na Dasha Nikrisht Satavai ||
Adbhut Nath Dikhavain Leela | Karain Shatru Ke Nashi Bali Dheela ||
Jo Pandit Suyogya Bulvai | Vidhivat Shani Grah Shanti Karai ||
Peepal Jal Shani Divas Chadhavat | Deep Daan Dai Bahu Sukh Pavat ||
Kahat Ram Sundar Prabhu Dasa | Shani Sumirat Sukh Hot Prakasha ||
|| Doha ||
Paath Shanishchar Dev Ko, Ki Hon 'Bhakt' Taiyar |
Karat Paath Chalis Din, Ho Bhavsagar Paar ||
Source: Traditional; by the poet Ram Sundar (named in the last chaupai)