Karmandir 
Traditionally credited to Goswami Tulsidas, this hymn's eight verses recall times when Hanuman ji cleared away great troubles. Devotees read it after the Hanuman Chalisa on Tuesdays and Saturdays.
Sankat Mochan Hanuman Ashtak
बाल समय रबि भक्षि लियो तब, तीनहुँ लोक भयो अँधियारो।
ताहि सों त्रास भयो जग को, यह संकट काहु सों जात न टारो॥
देवन आनि करी बिनती तब, छाँड़ि दियो रबि कष्ट निवारो।
को नहिं जानत है जग में कपि, संकटमोचन नाम तिहारो॥१॥
बालि की त्रास कपीस बसै गिरि, जात महाप्रभु पंथ निहारो।
चौंकि महामुनि साप दियो तब, चाहिय कौन बिचार बिचारो॥
कै द्विज रूप लिवाय महाप्रभु, सो तुम दास के सोक निवारो।
को नहिं जानत है जग में कपि, संकटमोचन नाम तिहारो॥२॥
अंगद के सँग लेन गये सिय, खोज कपीस यह बैन उचारो।
जीवत ना बचिहौ हम सो जु, बिना सुधि लाय इहाँ पगु धारो॥
हेरि थके तट सिंधु सबै तब, लाय सिया-सुधि प्रान उबारो।
को नहिं जानत है जग में कपि, संकटमोचन नाम तिहारो॥३॥
रावन त्रास दई सिय को सब, राक्षसि सों कहि सोक निवारो।
ताहि समय हनुमान महाप्रभु, जाय महा रजनीचर मारो॥
चाहत सीय असोक सों आगि सु, दै प्रभु मुद्रिका सोक निवारो।
को नहिं जानत है जग में कपि, संकटमोचन नाम तिहारो॥४॥
बान लग्यो उर लछिमन के तब, प्रान तजे सुत रावन मारो।
लै गृह बैद्य सुषेन समेत, तबै गिरि द्रोन सु बीर उपारो॥
आनि सजीवन हाथ दई तब, लछिमन के तुम प्रान उबारो।
को नहिं जानत है जग में कपि, संकटमोचन नाम तिहारो॥५॥
रावन जुद्ध अजान कियो तब, नाग की फाँस सबै सिर डारो।
श्रीरघुनाथ समेत सबै दल, मोह भयो यह संकट भारो॥
आनि खगेस तबै हनुमान जु, बंधन काटि सुत्रास निवारो।
को नहिं जानत है जग में कपि, संकटमोचन नाम तिहारो॥६॥
बंधु समेत जबै अहिरावन, लै रघुनाथ पताल सिधारो।
देबिहिं पूजि भली बिधि सों बलि, देउ सबै मिलि मंत्र बिचारो॥
जाय सहाय भयो तब ही, अहिरावन सैन्य समेत सँहारो।
को नहिं जानत है जग में कपि, संकटमोचन नाम तिहारो॥७॥
काज किये बड़ देवन के तुम, बीर महाप्रभु देखि बिचारो।
कौन सो संकट मोर गरीब को, जो तुमसों नहिं जात है टारो॥
बेगि हरो हनुमान महाप्रभु, जो कछु संकट होय हमारो।
को नहिं जानत है जग में कपि, संकटमोचन नाम तिहारो॥८॥
लाल देह लाली लसे, अरु धरि लाल लँगूर।
बज्र देह दानव दलन, जय जय जय कपि सूर॥
In Roman script
Baal Samay Rabi Bhakshi Liyo Tab, Teenhu Lok Bhayo Andhiyaro.
Taahi Son Traas Bhayo Jag Ko, Yah Sankat Kaahu Son Jaat Na Taaro||
Devan Aani Kari Binti Tab, Chhadi Diyo Rabi Kasht Nivaaro.
Ko Nahin Janat Hai Jag Mein Kapi, Sankatmochan Naam Tihaaro||1||
Bali Ki Traas Kapees Basai Giri, Jaat Mahaprabhu Panth Nihaaro.
Chauki Mahamuni Saap Diyo Tab, Chahiya Kaun Bichar Bichaaro||
Kai Dvij Roop Livay Mahaprabhu, So Tum Daas Ke Sok Nivaaro.
Ko Nahin Janat Hai Jag Mein Kapi, Sankatmochan Naam Tihaaro||2||
Angad Ke Sang Len Gaye Siya, Khoj Kapees Yah Bain Ucharo.
Jeevat Na Bachihau Hum So Ju, Bina Sudhi Lay Ihaan Pagu Dharo||
Heri Thake Tat Sindhu Sabai Tab, Lay Siya-Sudhi Pran Ubaro.
Ko Nahin Janat Hai Jag Mein Kapi, Sankatmochan Naam Tiharo||3||
Ravan Tras Dai Siya Ko Sab, Rakshasi Son Kahi Sok Nivaro.
Tahi Samay Hanuman Mahaprabhu, Jay Maha Rajanichar Maro||
Chahat Siya Asok Son Aagi Su, Dai Prabhu Mudrika Sok Nivaro.
Ko Nahin Janat Hai Jag Mein Kapi, Sankatmochan Naam Tiharo||4||
Baan Lagyo Ur Lachhiman Ke Tab, Praan Taje Sut Ravan Maro.
Lai Grih Vaidya Sushen Samet, Tabai Giri Dron Su Bir Uparo||
Aani Sajeevan Haath Dai Tab, Lachhiman Ke Tum Praan Ubaro.
Ko Nahin Janat Hai Jag Mein Kapi, Sankatmochan Naam Tiharo||5||
Ravan Juddh Ajaan Kiyo Tab, Naag Ki Faans Sabai Sir Daro.
Shri Raghunath Samet Sabai Dal, Moh Bhayo Yah Sankat Bharo||
Aani Khages Tabai Hanuman Ju, Bandhan Kati Sutras Nivaro.
Ko Nahin Janat Hai Jag Mein Kapi, Sankatmochan Naam Tiharo||6||
Bandhu Samet Jabai Ahiravan, Lai Raghunath Patal Sidhaaro.
Debihin Pooji Bhali Bidhi Son Bali, Deu Sabai Mili Mantra Bichaaro||
Jaay Sahay Bhayo Tab Hi, Ahiravan Sainya Samet Sanhaaro.
Ko Nahin Janat Hai Jag Mein Kapi, Sankatmochan Naam Tihaaro||7||
Kaaj Kiye Bad Devan Ke Tum, Bir Mahaprabhu Dekhi Bichaaro.
Kaun So Sankat Mor Gareeb Ko, Jo Tumsom Nahin Jaat Hai Taaro||
Begi Haro Hanuman Mahaprabhu, Jo Kachu Sankat Hoy Hamaaro.
Ko Nahin Janat Hai Jag Mein Kapi, Sankatmochan Naam Tihaaro||8||
Lal Deh Laali Lase, Aru Dhar Lal Langoor.
Bajra Deh Danav Dalan, Jai Jai Jai Kapi Soor||
Source: Goswami Tulsidas